अनाथ चिमुकल्यांसोबत साजरी केली दिवाळी; भगत परिवाराचा नेहमीप्रमाणे सेवाभावी हातभार.
पुणे खबर , २१ ऑक्टोबर २०२५
(मंगरुळपीर प्रतिनिधी)
शहरातील अशोकनगर भागात राहणाऱ्या डाके कुटुंबातील दोन चिमुकल्या गुंजन (८) आणि तृप्ती (१०) या बहिणींचे बालपण दुःखमय आहे. वडिलांचे अकाली निधन झाल्यानंतर आईनेही सोडून दिल्याने या अनाथ मुलींची काळजी आता म्हातारी आजी घेत आहेत.
कष्टकरी आजीच्या खट्याळ मजुरीतून चालणाऱ्या या कुटुंबाची आर्थिक परिस्थिती नाजूक असली तरी त्यांचा चेहरा हसवण्याचा प्रयत्न सदैव सामाजिक कार्यकर्ते आणि पत्रकार फुलचंद भगत यांच्या कुटुंबाने केला. दिवाळीच्या शुभ मुहूर्तावर भगत परिवाराने या मुलींच्या घरी भेट देऊन त्यांना नवीन कपडे, फराळ, खाद्यपदार्थ, ब्लँकेट आणि शैक्षणिक साहित्याची भेट देवून त्यांच्या चेहऱ्यावर आनंदाची स्मितहास्य उमटवली.फुलचंद भगत, त्यांची पत्नी सौ. प्रज्ञा भगत आणि मुलगी कु. स्वरा भगत यांनी सहपरिवार या डाके कुटुंबाची भेट घेतली. मुलींच्या आरोग्याबाबत, शाळेच्या प्रगतीबाबत विचारपूस करून त्यांना गरजेच्या वस्तूंची मदत केली.
भगत कुटुंबाने नेहमीप्रमाणेच सामाजिक कार्यात अग्रेसर राहिले असून, यावेळीही त्यांनी ‘गरिबांच्या हसूने दिवाळी साजरी करूया’ या उद्देशाने हा उपक्रम राबवला. फुलचंद भगत म्हणाले, “सेवाभाव हा आमचा कुटुंबाचा वसा आहे. तृप्ती आणि गुंजन या चिमुकल्यांच्या पाठीशी आम्ही सदैव उभे राहू. गरजूंसाठी मदत करणे हे खरे दिवाळीचे स्वरूप आहे. असाच सामाजिक उपक्रम भविष्यातही सुरू राहील.”या सामाजिक कार्यात भगत कुटुंबाबरोबरच अतुल ऊमाळे, सागर गुल्हाने, रुपेश वाढणकर आणि प्रभाकर दळवी हे मित्रपरिवारही सहभागी झाले. त्यांनीही कुटुंबासह उपस्थित राहून मदतीचा हात वाढवला. शहरातील सामाजिक जागरूकता वाढवण्यासाठी असे उपक्रम महत्त्वपूर्ण असल्याचे भगत यांनी सांगितले. या घटनेने डाके कुटुंबात दिवाळीचा खरा आनंद घुमला असून, अशा मदतीमुळे मुलींच्या भविष्याला बळ मिळेल, अशी अपेक्षा आहे.मंगरुळपीर शहरात सामाजिक कार्याची ही जोड मजबूत होत असल्याने स्थानिक नागरिकांमध्ये समाधान व्यक्त होत आहे. भगत परिवारासह सहकाऱ्यांचे हे कार्य कौतुकास्पद असून, असे प्रयत्न वाढावेत हीच खरी पुणे खबर डिजिटल मिडिया च्या वतीने दिवाळीच्या शुभेच्छा.
